Ա Ր Ձ Ա Ն Ա Գ Ր ՈՒ Թ Յ ՈՒ Ն
«ՍՆԱՆԿՈՒԹՅԱՆ ԳՈՐԾԵՐՈՎ ԿԱՌԱՎԱՐԻՉՆԵՐԻ ԿՈԼԵԳԻԱ»ինքնակարգավորվող կազմակերպության դիտորդ խորհրդի 17.06.2014թ.
Մասնակցությամբ`
Դիտորդ խորհրդի նախագահ` Հրանտ Ղամբարյանի
Խորհրդի անդամներ՝ Արսեն Չիտչյանի, Լևոն Պետրոսյանի,
Գևորգ Ավագյանի, Արման Սարգսյանի, Վահագն Ավագյանի, Գագիկ Բարխուդարյանի
Ներկա էին՝ վերստուգիչ հանձնաժողովի նախագահ Ջիվանշիր Աֆյանը և գործադիր տնօրեն Խաչատուր Ղահրամանյանը
Օրակարգում
1. «ՍԳԿԿ» ԻԿԿ անդամավճարներ չվճարող անդամների հայտնաբերման, նրանց գործունեության հետ կապված ստուգումների կազմակերպման հարցը:
Օրակարգի հարցի վերաբերյալ իր դիրքորոշումն արտահայտեց դիտորդ խորհրդի նախագահ Հ.Ղամբարյանը: Վերջինս հայտնեց, որ ԻԿԿ անդամների շարքերում առկա են կառավարիչներ, որոնք երբևիցէ չեն վճարել լրացուցիչ անդամավճարներ կամ նշված անդամավճարները վճարում են ցածր պարբերականությամբ: Նշվեց նաև այն մասին, որ եթե կան այնպիսի անդամներ, որոնք ի տարբերություն բարեխիղճ լրացուցիչ անդամավճարներ վճարողների չեն վճարում հիշյալ անդամավճարները, ապա նրանք իրենց գործողություններով անհարգալից վերաբերմունք են ցուցաբերում «ՍԳԿԿ» ԻԿԿ-ի բարեխիղճ անդամների նկատմամբ, ինչը առաջացնում է պատասխանատվություն «ՍԳԿԿ» ԻԿԿ կանոնադրության և «ՍԳԿԿ» ԻԿԿ սնանկության գործերով կառավարիչների մասնագիտական գործունեության էթիկայի կանոնների համաձայն:«ՍԳԿԿ» ԻԿԿ գործադիր տնօրեն Խ.Ղահրամանյանի կողմից խորհրդին ներկայացվեց նախապես պատրաստված անդամավճարների վճարումների վերաբերյալ նյութերը /ցուցակ/:Միաժամանակ բոլոր ներկաների կողմից հավանություն տրվեց այն առաջարկությանը, որ «Սնանկության մասին» ՀՀ օրենքի և «ՍԳԿԿ» ԻԿԿ կանոնադրության համաձայն լրացուցիչ անդամավճարներ չվճարողներին հայտնաբերելը հնարավոր է միայն վերստուգիչ հանձնաժողովի կողմից՝ «ՍԳԿԿ» ԻԿԿ անդամ կառավարիչների գործունեության նկատմամբ ստուգումներ իրականացնելու միջոցով:Հիշյալի վերաբերյալ քննարկումներ իրականացվեցին ներկաների միջև, որի ժամանակ «ՍԳԿԿ» ԻԿԿ գործադիր տնօրեն Խ.Ղահրամանյանը առաջարկեց ստուգումներ կազմակերպելիս այն սկսել իրականացնել հենց իրենից, սակայն խորհրդի անդամները համարեցին այդ առաջարկը ոչ համաչափ և առաջարկեցին առաջնահերթ ստուգել այն անդամներին ովքեր ընդհանրապես չեն վճարել լրացուցիչ անդամավճար համաձայն ներկայացված ցուցակի և այլն:
Դիտորդ խորհրդի նախագահ Հ.Ղամբարյանը առաջարկեց դիտորդ խորհրդի անդամներին քվեարկության դնել օրակարգի հարցը հետևյալ բովանդակությամբ.- «ՍԳԿԿ» ԻԿԿ վերստուգիչ հանձնաժողովին հանձնարարել. 01.07.2014թ-ից սկսած ստուգումներ իրականացնել «ՍԳԿԿ» ԻԿԿ-ի անդամ կառավարիչների գործունեության նկատմամբ: Ստուգումները առաջնահերթ իրականացնել այն անդամների նկատմամբ, ովքեր ընդհանրապես չեն վճարել լրացուցիչ անդամավճար /ցուցակը կցվում է/, այնուհետև ստուգումները շարունակել իրականացնել նվազ վճարողների նկատմամբ և այլն:Առաջնահերթ իրականացվող ստուգումները սկսել 01.07.2014թ.-ին և ավարտել 01.10.2014թ-ին: Հայտնաբերել այն կառավարիչներին, ովքեր խուսափել են լրացուցիչ անդամավճար վճարելու պարտականությունից: Լրացուցիչ անդամավճար չվճարող կառավարիչներ հայտնաբերելու դեպքում դիմել կարգապահական հանձնաժողովին՝ համապատասխան կարգապահական վարույթ իրականացնելու պահանջով:
1. Որոշեցին- «ՍԳԿԿ» ԻԿԿ վերստուգիչ հանձնաժողովին հանձնարարել. 01.07.2014թ-ից սկսած ստուգումներ իրականացնել «ՍԳԿԿ» ԻԿԿ-ի անդամ կառավարիչների գործունեության նկատմամբ: Ստուգումները առաջնահերթ իրականացնել այն անդամների նկատմամբ, ովքեր ընդհանրապես չեն վճարել լրացուցիչ անդամավճար /ցուցակը կցվում է/, այնուհետև ստուգումները շարունակել իրականացնել նվազ վճարողների նկատմամբ և այլն:Առաջնահերթ իրականացվող ստուգումները սկսել 01.07.2014թ.-ին և ավարտել 01.10.2014թ-ին: Հայտնաբերել այն կառավարիչներին, ովքեր խուսափել են լրացուցիչ անդամավճար վճարելու պարտականությունից: Լրացուցիչ անդամավճար չվճարող կառավարիչներ հայտնաբերելու դեպքում դիմել կարգապահական հանձնաժողովին՝ համապատասխան կարգապահական վարույթ իրականացնելու պահանջով:Որոշումը ընդունվեց միաձայն
Այնուհետև դիտորդ խորհրդի նախագահ Հ.Ղամբարյանը առաջարկեց դիտորդ խորհրդի անդամներին քվեարկության դնել օրակարգի հարցը հետևյալ բովանդակությամբ.- «ՍԳԿԿ» ԻԿԿ գործադիր մարմնին հանձնարարել մինչև 30.06.2014թ. հետախոսազանգով կապնվել ընդհանրապես լրացուցիչ անդամավճար չվճարող կառավարիչների հետ, նախազգուշացնել առաջիկա ստուգումների մասին, որպեսզի վերջիններս հնարավորություն ունենան շտկելու առկա բացթողումները:
2. Որոշեցին- «ՍԳԿԿ» ԻԿԿ գործադիր մարմնին հանձնարարել մինչև 30.06.2014թ. հետախոսազանգով կապնվել ընդհանրապես լրացուցիչ անդամավճար չվճարող կառավարիչների հետ, նախազգուշացնել առաջիկա ստուգումների մասին, որպեսզի վերջիններս հնարավորություն ունենան շտկելու առկա բացթողումները:Որոշումը ընդունվեց միաձայն
Դիտորդ խորհրդի նախագահ Հ. Ղամբարյան
