Ա Ր Ձ Ա Ն Ա Գ Ր ՈՒ Թ Յ ՈՒ Ն N 1/2
ՙՍՆԱՆԿՈՒԹՅԱՆ ԳՈՐԾԵՐՈՎ ԿԱՌԱՎԱՐԻՉՆԵՐԻ ԿՈԼԵԳԻԱ՚
ինքնակարգավորվող կազմակերպության դիտորդ խորհրդի և
կարգապահական հանձնաժողովի 17.05.2011թ. ընդլայնված նիստի
Մասնակցությամբ`
Կարգապահական հանձնաժողովի նախագահ` Խաչատուր Ղահրամանյանի
Հանձնաժողովի անդամներ` Գագիկ Բարխուդարյանի, Աղասի Արսենյանի,Արման Սարգսյանի, Սոֆյա Դավթյանի
Դիտորդ խորհրդի նախագահ` Հրանտ Ղամբարյանի
Խորհրդի անդամներ` Լևոն Պետրոսյանի, Ռուբեն Խալաթյանի, Վահագն Ավագյանի
Օրակարգում
Սնանկության գործերով կառավարիչ Ռոբերտ Արամի Մարգարյանին կարգապահական պատասխանատվության ենթարկելու վերաբերյալ հարցի քննարկումը:
Նիստին չէին ներկայացել դիմումատու` Արմեն Մկրտչյանը և ՙԱրմաս՚ ՍՊԸ-ի սնանկության գործով կառավարիչ Ռոբերտ Մարգարյանը, սակայն վերջինս 13.05.2011թ. ՙՍԳԿԿ՚ ԻԿԿ գրասենյակ էր ներկայացրել պատասխան` Արմեն Մկրտչյանի ներկայացրած դիմումի կապակցությամբ, ինչպես նաև ներկայացրել էր որոշ ապացույցներ:
Կարգապահական հանձնաժողովի անդամները որոշեցին 17.05.2011թ. նշանակված նիստը անցկացնել դիմումատու` Արմեն Մկրտչյանի և ՙԱրմաս՚ ՍՊԸ-ի սնանկության գործով կառավարիչ Ռոբերտ Մարգարյանի բացակայությամբ:
Կարգապահական հանձնաժողովի նախագահ Խ.Ղահրամանյանը հրապարակեց ՙԱրմաս՚ ՍՊԸ-ի սնանկության գործով կառավարչի ներկայացրած պատասխանն և հանձնաժողովի անդամների հետազոտմանը ներկայացրեց կառավարչի կողմից ներկայացրած փաստաթղթերը:
Գնահատելով գործում առկա ապացույցները կարգապահական հանձնաժողովը հաստատված է համարել հետևյալ փաստերը.
1. ՙԱրմանս՚ ՍՊԸ-ի սնանկության վարույթի շրջանակներում Դիմումատու Արմեն Մկրտչյանը հանդիսանում է ՙԱրմանս՚ ՍՊԸ-ի հիմնադիր և տնօրեն,
2. ՙԱրմանս՚ ՍՊԸ-ի սնանկության վարույթի շրջանակներում Դիմումատու Արմեն Մկրտչյանը հանդիսանում է երրորդ անձ գրավատու ՙՀայպեռլիտ՚ ՍՊԸ տնօրեն,
3. ՙԱրմանս՚ ՍՊԸ-ի և գրավով ապահովված պարտատեր ՙԿոնվերս բանկ՚ ՓԲԸ-ի միջև կնքված վարկային պայմանագրի շրջանակներում դ իմումատու Արմեն Մկրտչյանը հանդիսանում է ՙԿոնվերս բանկ՚ ՓԲԸ նկատմամբ երաշխավոր,
4. ՙԱրմանս՚ ՍՊԸ-ի սնանկության վարույթ շրջանակներում, ՙԱրմանս՚ ՍՊԸ նկատմամբ, որպես ֆիզիկական անձ Արմեն Մկրտչյանը ներկայացրել է պահանջ` 24.600.000 ՀՀ դրամ գումարի չափով պարտատեր գրանցվելու վերաբերյալ հիմքում դնելով ՙԱրմանս՚ ՍՊԸ-ի և իր միջև կնքված /անհատույց/ պահանջի իրավունքը զիջելու մասին պայմանագիրը:
5. Նշված պահանջի իրավունքը զիջելու մասին պայմանագիրը կառավարչի հայցապահանջի հիման վրա դատարանի կողմից ճանաչվել է անվավեր և Դիմումատու Արմեն Մկրտչյանի պահանջը չի ընդգրկվել ՙԱրմանս՚ ՍՊԸ-ի պարտատերերի ցուցակում:
Կարգապահական հանձնաժողովի իրավական հիմնավորումները.
Համաձայն ՙՍնանկության մասին՚ 48-րդ հոդվածի 1-ին կետի պարտապանի ղեկավար մարմինները պարտավոր են կառավարչին տրամադրել պարտապանի գործունեության և միջոցների վերաբերյալ բոլոր անհրաժեշտ փաստաթղթերը և հավաստի տեղեկություններ, այդ թվում պարտապանին սնանկ ճանաչելուն նախորդած երեք տարվա ընթացքում պարտապանի գույքի օտարման կամ ակտիվների այլ ձևով նվազեցման մասին:
Կարգապահական հանձնաժողովը արձանագրում է, որ Արմեն Մկրտչյանը, որպես պարտապան ընկերության տնօրեն չի կատարել ՙՍնանկության մասին՚ ՀՀ օրենքի 48-րդ հոդվածով սահմանված պարտավորությունները, այն է չի հայտնել հավաստի տեղեկություններ և չի տրամադրել ընկերության հիմնադիր, հաշվապահական և այլ փաստաթղթերը, ինչի արդյունքում ՙԱրման՚ ՍՊԸ-ի սնանկության գործով կառավարիչը ստիպված է եղել գործել վարույթում առկա բազմաթիվ խորընդոտների պայմաններում:
Արմեն Մկրտչյանը, միաժամանակ հանդիսանալով ՙՀայպեռլիտ՚ ՍՊԸ տնօրենը, գույքագրման ժամանակ կառավարչին թեպետ ցույց է տվել որոշակի գույք, սակայն չի ներկայացրել գույքի վերաբերյալ փաստաթղթերը, չի բացել ավտոմեքենայի դուռը, որի արդյունքում հնարավոր կլիներ գույքագրման մասնակիցների կողմից գույքագրվող գույքը նույնականացնել:
Հանձնաժողովի անդամների կողմից նշվեց այն փաստը, որ դեռ 03.05.2011թ. կարգապահական հանձնաժողովի նիստի ժամանակ Արմեն Մկրտչյանին ուղղված այն հարցին, թե ինչու վերջինս որպես պարտապան ՙԱրմաս՚ ՍՊԸ-ի տնօրեն չի կատարել իր պարտականությունը, այն է կառավարչին չի հանձնել ընկերության փաստաթղթերը և որպես ՙՀայպեռլիտ՚ ՍՊԸ-ի տնօրեն ինչու չի ապահովել գույքագրման ժամանակ գույքերի պատշաճ հանձնումը, վերջինս պատասխանել է, որ որ մոտակա երկու օրվա ընթացքում նա կարող է ապահովել դա:
Դիտորդ խորհրդի անդամներ Ա.Չիտչյանը և Լ.Պետրոսյանը 03.05.2011թ. նիստին նշել էին որ դիմումատու` Արմեն Մկրտչյանը ոչ թե մոտակա երկու օրվա ընթացքում պետք է ապահովի գույքագրման պատշաճ կատարումը, այլ կառավարչի առաջին իսկ նշանակված գույքագրման ժամանակ, որը Արմեն Մկրտչյանի կողմից չի կատարվել:
Նշվածից հետո Արմեն Մկրտչյանը հայտնել էր, որ կատարված հարցադրումները չեն վերաբերվում բուն դիմումին:
Հանձնաժողովի անդամները արձանագրում են այն փաստը, որ քննվող դիմումի շրջանակներում պետք է դիտարկվի սնանկության վարույթի ընթացքում կառավարչի գործողությունները , ուստի դիմումատու` Արմեն Մկրտչյանի առարկություններն այդ կապակցությամբ անհիմն են:
Հանձնաժողովի անդամները արձանագրում են նաև այն փաստը, որ դիմումատուն լինելով նույն պարտապան ընկերության հիմնադիր և տնօրեն, երրորդ անձ գրավատու ՙՀայպեռլիտ՚ ՍՊԸ տնօրեն երբևիցե չի վիճարկել կառավարչի գործողությունները դատարանում և նշվածի մասին տեղեկություններ դիմողը կարգապահական հանձնաժողով չի ներկայացրել:
Հանձնաժողովի անդամները արձանագրում են նաև այն փաստը, որ կարգապահական վարույթի ընթացքում կողմերից յուրաքանչյուրը պետք է ապացուցի իր վկայակոչած փաստերը: Դիմումատու Ա. Մկրտչյանը կարգապահական հանձնաժողովին չի ներկայացրել որևէ հիմնավոր ապացույց այն մասին, որ ՙԱրմաս՚ ՍՊԸ-ի սնանկության գործով կառավարիչ Ռոբերտ Մարգարյանը իրեն պատճառել է նյութական և բարոյական վնաս:
Որպես նշված հանգամանքի թույլատրելի և վերաբերելի ապացույց կարող էր հանդիսանալ դատական ակտը` ՙԱրմաս՚ ՍՊԸ-ի սնանկության կառավարիչ Ռոբերտ Արամի Մարգարյանի կողմից դիմումատուին նյութական և բարոյական վնաս պատճառելու մասին:
Դիմումատուն հանձնաժողովին չի ներկայացրել նաև որևէ հիմնավոր ապացույց այն մասին, որ ՙԱրմաս՚ ՍՊԸ-ի սնանկության կառավարիչ Ռոբերտ Մարգարյանը գործել է ի շահ իրեն, իսկ կարգապահական վարույթի ընթացքում կողմերից յուրաքանչյուրը պետք է ապացուցի իր վկայակոչած փաստերը:
Հանձնաժողովը արձանագրում է , որ ՙԱրմաս՚ ՍՊԸ-ի սնանկության կառավարիչ Ռոբերտ Մարգարյանը, ընդհակառակը, չունենալով ՙԱրմաս՚ ՍՊԸ-ին վերաբերող հաշվապահական և այլ փաստաթղթեր, իրեն ընձեռնված հնարավորությունների սահմաններում ձեռնարկել է իրենից կախված բոլոր հնարավոր միջոցները ` դիմումատու Արմեն Մկրտչյանի`/որպես պարտապանի ղեկավար և որպես երրորդ անձ գրավատու կազմակերպության ղեկավար/ ստեղծած խորընդոտները հաղթահարելու ուղղությամբ:
Կառավարիչը իր լիազորությունների շրջանակում, օրենքով սահմանված կարգով ձեռնարկել և ձեռնարկում է բոլոր հնարավոր միջոցները պարտապանի գույքը հայտնաբերելու, այն հետագայում վաճառելու և գոյացած միջոցների հաշվին պարտատերերի պահանջների բավարարելու համար:
Ինչ վերաբերվում է դիմումատու Արմեն Մկրտչյանի պահաջին, ՙՍԳԿԿ՚ ԻԿԿ-ի միջոցով իրեն տրամադրելու ՙԱրմաս՚ ՍՊԸ-ի վարկային պայմանագրով գրավադրված գույքի գույքագրման ակտի` կառավարչի և բանկի կողմից կատարված գրառումներով օրինակը, ապա հանձնաժողովը, ինչպես նաև դիտորդ խորհուրդը այդպիսի իրավասություն չունեն: Դիմումատու Ա. Մկրտչյանը զրկված չէ սնանկության վրույթի շրջանակներում վարույթում առկա նյութերին ծանոթանալու, ինչպես նաև պատճեներ վերցնելու իրավունքից:
Համաձայն ՙՍԳԿԿ՚ ԻԿԿ սնանկության գործով կառավարիչների մասնագիտական վարքագծի էթիկայի Կանոնների 1-ին կետի` Սնանկության գործով կառավարչի մասնագիտական գործունեությունը իրականացնելիս պարտավոր է ղեկավարվել ՀՀ օրենսդրությամբ, պահպանել Ինքնակարգավորվող կազմակերպության Կանոնադրությունը և ներքին կանոնակարգը, ինչպես նաև, կատարել Ինքնակարգավորվող կազմակերպության վարչական մարմինների որոշումները: Սնանկության գործով կառավարչի մասնագիտական գործունեություն հասկացողության տակ ենթադրվում է Ինքնակարգավորվող կազմակերպության գործունեությունը, որպես սնանկության գործով կառավարչի «Սնանկության մասինե ՀՀ օրենքով նախատեսված և դրան համապատասխան, սնանկության ընթացակարգի իրականացումը:
Կանոնների 2-րդ կետի համաձայն` Կառավարիչը մասնագիտական գործունեությունը իրականացնում է հիմնվելով անկախության և անաչառության, բարեխղճության և խելամտության սկզբունքների վրա:
Կարգապահական հանձնաժողովը միաձայն որոշեց
ՙԱրմաս՚ ՍՊԸ-ի սնանկության գործով կառավարիչ Ռոբերտ Մարգարյանը գործել է ՙՍնանկության մասին՚ ՀՀ օրենքի շրջանակներում՝ բարեխղճորեն կատարելով ստանձնած պարտավորությունները և ՙՍԳԿԿ՚ ԻԿԿ կանոնադրության, ինչպես նաև մասնագիտական վարքագծի էթիկայի Կանոնների խախտում թույլ չի տվել: