Ա Ր Ձ Ա Ն Ա Գ Ր ՈՒ Թ Յ ՈՒ Ն N 1/1
ՙՍՆԱՆԿՈՒԹՅԱՆ ԳՈՐԾԵՐՈՎ ԿԱՌԱՎԱՐԻՉՆԵՐԻ ԿՈԼԵԳԻԱ՚
ինքնակարգավորվող կազմակերպության դիտորդ խորհրդի և կարգապահական հանձնաժողովի 10.05.2011թ. ընդլայնված նիստի
Մասնակցությամբ`
Կարգապահական հանձնաժողովի նախագահ` Խաչատուր Ղահրամանյանի
Հանձնաժողովի անդամներ` Գագիկ Բարխուդարյանի, Աղասի Արսենյանի, Արման Սարգսյանի, Սոֆյա Դավթյան
Դիտորդ խորհրդի նախագահ` Հրանտ Ղամբարյանի
Խորհրդի անդամներ` Լևոն Պետրոսյանի, Ռուբեն Խալաթյանի, Վահագն Ավագյանի
Օրակարգում
Սնանկության գործերով կառավարիչ Ռոբերտ Արամի Մարգարյանին կարգապահական պատասխանատվության ենթարկելու վերաբերյալ հարցի քննարկումը:
Նիստին ներկայացել էր ՙԱրմաս՚ ՍՊԸ-ի սնանկության կառավարիչ Ռոբերտ Արամի Մարգարյանը, չէր ներկայացել դիմումատու` Արմեն Մկրտչյանը, սակայն նույն օրը նախօրոք ՙՍԳԿԿ՚ ԻԿԿ գրասենյակ էր ներկայացրել դիմում, որով հայտնել էր, որ նպատակահարմար չի գտնում մասնակցել 10.05.2011թ-ի նիստին:
Կարգապահական հանձնաժողովի անդամները որոշեցին 10.05.2011թ. նշանակված նիստը անցկացնել դիմումատու` Արմեն Մկրտչյանի բացակայությամբ:
Կարգապահական հանձնաժողովի նախագահ Խ.Ղահրամանյանը ներկայացրեց ՙԱրմաս՚ ՍՊԸ-ի սնանկության կառավարիչ Ռոբերտ Մարգարյանին նկատմամբ հարուցված կարգապահական վարույթի կապակցությամբ դիմող Արմեն Մկրտչյանի 10.05.2011թ. դիմումն ամբողջությամբ:
ՙԱրմանս՚ ՍՊԸ-ի սնանկության կառավարիչ Ռոբերտ Մարգարյանը հանձնաժողովին ներկայացրեց գործին առնչվող որոշ փաստաթղթեր, որոնց վերաբերյալ տվեց բացատրություններ: Հարցեր առաջադրելուց և պատասխաններ տրվելուց հետո, կառավարիչ Ռոբերտ Մարգարյանը միջնորդեց հետաձգել նիստը` գրավոր առարկություն և ապացույցներ ներկայացնելու պատճառաբանությամբ:
Հանձնաժողովը քննության առնելով կառավարիչ Ռոբերտ Մարգարյանի միջնորդությունը, միաձայն ո ր ոշ ե ց` հետաձգել լսումը և կարգապահական հանձնաժողովի նիստ նշանակել 17.05.2011թ. ժ. 15.00-ին:
